ချာတိတ်ကလေး တစ်ယောက်အကြောင်း

(၁)
ကျွန်တော်ဟာ “မမ” ရဲ့ နွားကလေးတစ်ကောင်ပေါ့၊
နစ်ချင်လွန်းလို့
ရေတိမ်တိမ်ကိုမှ လိုက်ရှာခဲ့တာပါ။
(၂)
အဝေးပြေး လမ်းမကြီးတစ်ခုလုံး ရင့်မှည့်နေခဲ့ပြီ
ကျွန်တော် . . . အိမ်ကို ဘယ်လိုပြန်ရမှာလဲ ?
(၃)
ငယ်ငယ်တုန်းက အတန်းထဲမှာ
လက်လှဲပြိုင်ရင်
အနိုင်ရချင်တဲ့ ကလေးလေးတစ်ယောက်ဟာ
. . . . . . ကျွန်တော်ပေါ့။
အခုတော့ . . .
နွေရောက်ရင် သိမ်းဆည်းရတဲ့ အနွေးထည်လို
ကိုယ့်ကိုယ်ကို လုံးထွေးပြီးတော့သာ
ထိုးထည့်ထားလိုက်တော့တယ်။
(၄)
အလွမ်းကို ဂြိုလ်စာကျွေး
ငေးကြည့်ခြင်းနဲ့ပဲ ရေမီးပူဇော်ခွင့်ပြုပါ။
(၅)
ကျွန်တော့်ကို အပြစ်မတင်လိုက်ကြပါနဲ့ဗျာ . . . ၊
မမြင်ဘူးတဲ့ လူအတွက်တော့
“မူး” ကိုလည်း “မြစ်” လို့ ထင်ခွင့်ရှိတယ် မဟုတ်လား။

မင်းခိုက်စိုးစန်