လက်ခုပ်သံ

(၁)
ကားလမ်းတစ်ဘက်ကလက်ခုပ်သံဖျိုးဖျိုးဖျောက်ဖျောက်ကြားရသည်။
ထုံးစံအတိုင်းဆိုလျှင် ကျွန်တော်လှည့်ကြည့်လေ့မရှိ။
ကြီးကျယ်သည်တော့မဟုတ်။
ကျွန်တော့်တွင်အမည်ရှိသည်။
လက်ခုပ်သံသည် ကျွန်တော့်အမည်မဟုတ်။
လက်ခုပ်သံသည် ကျွန်တော်ပျာပျာသလဲထထူးရမည့် ကျွန်တော့် Boss၏ ငှက်ဆိုးထိုးသံမဟုတ်။
လက်ခုပ်သံသည် ကျွန်တော့်အားနှဖါးကြိုးရန်အမြဲတမ်းအဆင့်သင့်ဖြစ်နေတတ်သည့်ချစ်သူ၏ပျားရည်စိမ်ထားသော ပြုံးရယ်သံမဟုတ်။
လက်ခုပ်သံသည်မကောင်းမှုတစ်ခုအားမီးညှိရန်ဓါတ်ငွေ့မီးခြစ်ကိုဖိခြစ်လိုက်သည့် လျှို့ဝှက်ထား သောအံကြိတ်သံမဟုတ်။
လက်ခုပ်သံသည်ဂွာတာနာမိုအကျဉ်းစခန်း၏နာကျင်လေးလံနေသောပင်မတံခါးဖွင့်သံ၊ပိတ်သံမဟုတ်။
သေချာသည်ကတော့
လက်ခုပ်သံသည်ဘယ်အချိန်ကြားကြားလွဲမှားရန်မရှိသည့်မိုးထစ်ချုန်းသံ၊ထူးခြားသောအသံရှင်တများဖြစ်သည့် ဦးကျောက်လုံး၊ ဦးဝင်းဦး၊ ကျော်ဟိန်း၊ ဇော်ဝမ်း၊ မိုက်ကယ်ဂျက်ဆင်၊ စီလိုင်းဒီယွန်၊ မောင်ကြေးမုံ၊စိုင်းစိုင်းခမ်းလှိုင်၊ရာဇာနေ၀င်း၊ အာမီနမ်၊လေးဖြူ၊ဇော်ဝင်းထဋ်၊ ဒိုးလုံး၊ ဂရင်းဒေး၊ ဖြူ ဖြူကျော်သိန်းနှင့် ကျွန်တော့်ဘကြီးထော်လာဂျီတို့၏အသံများမဟုတ်။
ထို့ကြောင့်
ကားလမ်းတစ်ဖက်က လက်ခုပ်သံများသည်
ကားလမ်းတစ်ဖက်မှကျွန်တော့်လှမ်းလက်စခြေလှမ်းများကိုတုန့်နှေးရပ်တံ့သွားစေရန်ဆွဲဆောင် နိုင်စွမ်းမရှိခဲ့ပါ။
သို့သော်
ထိုလက်ခုပ်သံသည် သူရည်ရွယ်ရာသူတစ်စုံတစ်ဦးလှည့်မကြည့်မချင်းရပ်နားမည့်ပုံမပေါ်ပါ။
ဖျောက်ဖျောက်ဖျောက်ဖျောက်၊ ……..ဖျောက်ဖျောက်ဖျောက်ဖျောက်၊ …….ဖျောက်ဖျောက် ဖျောက်ဖျောက်၊ ……….
ကျွန်တော့်ရှေ့မှလူများကို အကဲခတ်ကြည့်လိုက်မိသည်။ အချို့ကထိုလက်ခုပ်သံကြားရာသို့လှမ်း ကြည့်လိုက်သော်လည်း
အဆက်အစပ်မရှိသည်၌ လှမ်းလက်စခြေလှမ်းများကိုပုံမှန်ပင်ဆက်လ်ကရွေ့လျားနေခဲ့ကြပါ သည်။
ထို့ကြောင့် ကျွန်တော့်နောက်မှလမ်းလျှောက်လာနေကြသော သူတို့ကိုငဲ့စောင်းကြည့်မိလိုက် ပါသည်။
မည်သို့မှမထူးခြား။
ဖျောက်ဖျောက်ဖျောက်ဖျောက်၊ ….ဖျောက်ဖျောက်ဖျောက်ဖျောက်၊ …….ဖျောက်ဖျောက်ဖျောက် ဖျောက်၊ ……..ဒါဆိုရင် ကျွန်တော့်ကိုများလား။
မိုက်မဲသောအတွေးဖြစ်ပါသည်။ ကျွန်တော်ကလည်းအခြားသူများကို လက်ခုပ်တီးပြီးခေါ်တတ်သူ မဟုတ်။
လက်ဖက်ရည်ဆိုင်၌စားသုံးသူအချို့က စားပွဲထိုးလူငယ်လေးများကို လက်ခုပ်သံ၊လက်ဖျောက်တီး သံ၊စုတ်ထိုးပြီးခေါ်သံတို့ဖြင့် ခေါ်ငင်ဆက်ဆံခဲ့ကြရာတွင် ကျွန်တော့်မှာကြားထဲမှ မဆီမဆိုင် မျက်နှာဝင်ပူနေတတ်သူဖြစ်သည်။
ပြောရလျှင်
ကျွန်တော်ကလည်း သူများကိုလက်ခုပ်သံဖြင့်မခေါ်တတ်သလို ကျွန်တော့်ကိုလက်ခုပ်သံဖြင့် ခေါ် ပါကလည်း အသိအမှတ်ပြုခြင်းမရှိခဲ့ပါ။
တစ်ခုပြောပြထားစရာရှိပါသည်။
ကျွန်တော်တို့မြို့ကလေးတွင်မြို့ကြီးပြကြီးဆန်ဆန် Taxi မရှိပါ။
ကျွန်တော်ရောက်နေသောလမ်းမတော်လမ်း လမ်းမပေါ်တွင်လည်း မြင်း . .အစရှိသောသတ္တ၀ါတို့ ကိုအသုံးပြုသောယာဉ်များ ငှားရမ်းစီးနင်းခြင်းကိုလည်းခွင့်ပြုမထားပါ။
ထို့ကြောင့်
အငှားယာဉ်တစ်မျိုးမျိုးကိုသော်လည်းကောင်း၊
ကျွန်တော့်ရှေ့မှသွားလာနေကြသော၊ကျွန်တော့်နောက်မှ သွားလာနေကြဆဲ ပုဂိုလ်များကိုသော် လည်းကောင်း
ထိုလက်ခုပ်သံကအဆက်မပြတ်ခေါ်ငင်၊ အဆက်အသွယ်ပြုနေသည်မဟုတ်ပါက …….
ဖျောက်ဖျောက်ဖျောက်ဖျောက်၊ . . ဖျောက်ဖျောက်ဖျောက်ဖျောက်၊ …… ဖျောက်ဖျောက်ဖျောက် ဖျောက်၊…….။

(၂)
ဖျောက်ဖျောက်ဖျောက်ဖျောက်၊ …….. ဖျောက်ဖျောက်ဖျောက်ဖျောက်၊ ……… ဖျောက်ဖျောက် ဖျောက်ဖျောက်၊………….
ကျွန်တော်လှမ်းကြည့်လိုက်မိပါသည်။
ခြေလှမ်းမပျက်လှမ်းကြည့်လိုက်မိပါသည်။
လှမ်းလက်စခြေလှမ်းကိုအသာရပ်လိုက်ပြီး လှမ်းကြည့်လိုက်မိပါသည်။
(ရုတ်တရက်ရပ်လိုက်ပါက ကျွန်တော့်နောက်မှလူများကျွန်တော့်ကိုဝင်တိုက်မိမည်ဖြစ်ပါသည်။)
လက်ခုပ်တီးနေသူသည် လက်ဖက်ရည်ဆိုင်ရှေ့တွင်ရပ်နေခြင်းဖြစ်သည်။
ရာဇာကဖေးဖြစ်သည်။ခွေးခြေပုကလေးများတွင်လက်ဖက်ရည်ထိုင်သောက်နေသူအချို့ရှိနေ သည်။
ထိုသူကတော့ ထိုဆိုင်ရှေ့တွင်ရပ်ပြီးအားရပါးရလက်ခုပ်တီးနေဆဲ။
ပွဲလမ်းတစ်ခုခုတွင် ပရိသတ်က နှစ်သက်၍လက်ခုပ်တီးအားပေးသံနှင့်မတူ။
သူ့အသိတစ်ယောက်ယောက်ကိုတွေ့လိုက်ရ၍၀မ်းသာအားရလက်ခုပ်တီးခေါ်နေဟန်။
ဖျောက်ဖျောက်ဖျောက်ဖျောက်၊ …… ဖျောက်ဖျောက်ဖျောက်ဖျောက်၊ …….. ဖျောက်ဖျောက် ဖျောက် ဖျောက်၊ ………
သာမန်လူတစ်ယောက်၏ဟန်ပန်အတိုင်းပင်။ သူ့အလုပ်ကို သူကိုယ်တိုင်ယုံကြည်မှုနှင့်ဆောင် ရွက်နေသူတစ်ဦးပုံ။
သူနှင့်ကျွန်တော်နှင့်ခင်မင်ရင်းစွဲမရှိပါ။
သူနှင့်ကျွန်တော်နှင့်မည်သို့မှပါတ်သက်ခြင်းမရှိကြောင်းထောက်ခံပေးမည့်ရပ်ကွက်လူကြီးရှိပါ သည်။
သူနှင့်ကျွန်တော်နှင့်အတိတ်၊ပစ္စုပ္ပန်၊အနာဂတ်ပုံရိပ်ကောက်ကြောင်းများမရှိကြောင်း ပန်းချီ ဦးကျော်သောင်းက၀င်ရောက်ပြောဆိုပေးရန်အသင့်ဖြစ်ပါသည်။
သူသည် မည်သူ့ကိုမျှခေါ်နေသည်မဟုတ်။ (သူ့အတွေးထဲတွင်တော့ သူခေါ်သည့်သူသည် အခိုင် အမာရှိချင်ရှိနေပါမည်။)
သေချာသည်ကတော့ သူလက်ခုပ်တီးခေါ်နေသည့်သူသည်
ယခုအချိန် …၊ ယခုလမ်းပေါ်တွင် လုံးဝရှိမနေခြင်းပင်။
လူအများက သူ့ကိုအာရုံစိုက်လာစေရန်ကြိုးစားနေဟန်လည်းမတူပါ။
တစ်ယောက်ယောက်ကိုလှည့်ဖျားရန်၊ သို့မဟုတ် စော်ကားရန်ရည်ရွယ်ချက်ရှိနေပုံလည်းမရ။
သူ့ကိုကျွန်တော်တို့မြို့သားအချို့ကသိသည်။
ကျွန်တော်တို့မြို့ကလေးသို့သူရောက်လာသည်မှာသိပ်မကြာသေး။
တစ်ချိန်က ဘယ်လိုလေကိုရှူပြီးဘယ်လိုအသက်ရှင်ခဲ့သည်မသိ။
ကျွန်တော့်သူငယ်ချင်းတစ်ချို့ပြောပြဖူးသည်ကတော့
တစ်နေရာရာတွင် ခဏရပ်မည်။
သူ့မျက်စိနှင့်သာမြင်နိုင်သူတစ်ဦးဦးကိုလက်ခုပ်တီး၍ခေါ်နေမည်။
အနည်းငယ်ကြာလျှင်တော့ သူ့လက်ခုပ်သံကိုရုတ်သိမ်းရင်း၊ခေါင်းခါရမ်းရင်း ရွေ့လျားထွက်ခွာ သွားလေ့ရှိသည်ဟု ဆိုကြပါသည်။

(၃)
လက်ခုပ်သံအရောင်းအ၀ယ်ကိုလုပ်သူများရှိပါက ကျွန်တော်တို့မြို့ကလေးသို့လွှတ်လိုက်ပါ။
နောက်တစ်ရက်နှစ်ရက်ခန့်တော့ သူရှိနေဦးမည်ထင်ပါသည်။
ကျွန်တော့်ကိုမခေါ်သည့်အသံကိုကြားမိပါသည်။
ကျွန်တော့်နှင့်မသက်ဆိုင်သည့်အခြေအနေ၌ ကျွန်တော်ရပ်တံ့ခဲ့မိပါသည်။
မိတ်ဆွေ …….
လက်ခုပ်သံကိုကြားနေဆဲလား။
ဖျောက်ဖျောက်ဖျောက်ဖျောက်၊ …… ဖျောက်ဖျောက်ဖျောက်ဖျောက်၊ ……. ဖျောက်ဖျောက် ဖျောက်ဖျောက်၊ ………။
နိုင်မွန်အောင်သွင်