တစ်ခုခုကိုပြောမယ်၊ ပြီးတော့ ထပ်ပြောမယ်

တစ်ခုခုကိုပြောမယ်။
ပြီးတော့
ထပ်ပြောမယ်။
မိုးအကြောင်း၊လေအကြောင်း၊
တောအကြောင်း၊တောင်အကြောင်း
မိုးရေထဲကကြောင်အကြောင်း၊
မိုးခါးရေထဲက ခပ်ကြောင်ကြောင်ကောင်တွေအကြောင်း၊
ဒီနေ့ပိုအေးတယ်၊
ဒီနေ့ ပိုအေးတယ် နဲ့
အလောသုံးဆယ်ပြီးဆုံးသွားပြန်တဲ့
ကလောဆောင်းအကြောင်း၊
လောလောဆယ်စောင်းနေတဲ့လမ်းတေနဲ့
မခေါ်ဘူး၊
မပြောဘူး . . ဆိုတဲ့အကြောင်း
အကြောင်းတစ်ခုခုကို ခုပြီး
တစ်ခုခုကိုပြောမယ်။
ပြီးတော့
ထပ်ပြောမယ်။
မြွေမသေ၊တုတ်မကျိုး၊
မှိုချိုးမျှစ်ချိုး၊ ကျွဲပါးစောင်းတီး၊
လျှာအရိုးမရှိ . . ၊
မြို့ရွာတွေတိုးချဲ့သလို
ဘတ်စ်ကားတွေတိုးချဲ့သလို၊
စကားတွေတိုးချဲ့မယ်၊
ဦးနှောက်အနိမ့်အမြင့်
နှလုံးသားအကျယ်အ၀န်း
စဉ်းစားလို့ဖြစ်သမျှ
ခံစားလို့ရသမျှ
အချက်ပြပါ။
ဟွန်းတီးပါ။
အရှိန်နှုန်းမြှင့်
သပ်သပ်ယပ်ယပ်
ကွေ့ချလိုက်ပါ။
(ယာဉ်စည်းကမ်းကို လိုက်နာဖို့လိုပါသည်)
အာရုံကြောများ၏လားရာအတိုင်း
တစ်ခုခုကိုပြောမယ်။
ပြီးတော့
ထပ်ပြောမယ်။
မျက်နှာချင်းဆိုင်
သေသေချာချာ
စေ့စေ့စပ်စပ်
ပါးစပ်နဲ့ပဲဖြစ်ဖြစ်
စိတ်ထဲကဖြစ်ဖြစ်
တစ်ခုခုကိုပြောမယ်။
ပြီးတော့
ထပ်ပြောမယ်။
ပွဲနေပွဲထိုင်သွား ၀ါကျများ . . .
ဒီဖက်ကိုကြွပါခင်ဗျာ။
သုံးဆောင်ပါဦးခင်ဗျာ။
ရင်ကိုဖွင့်ပြီး
ခင်ဗျားရဲ့အသည်းနှလုံးနဲ့
ကျွန်တော့်ရဲ့ဓါးသွားကိုသုံးဆောင်ပါ။
ကျကျနနသုံးဆောင်ပါ။
အဆုံးစွန်သုံးဆောင်ပါ။
ဒီလိုယဉ်ယဉ်ကျေးကျေး၊
ဒီလိုအကြောင်းအရာမျိုး၊
ဒီလို
သူလို ကိုယ်လိုရက်စက်မှုမျိုးတွေနဲ့
တခမ်းတနားကောက်ကျစ်မှုတွေထဲ
ဒီလို
တစ်ခုခုကိုပြောမယ်။
ပြီးတော့
ရင်ကိုဖွင့်ပြီး
ခင်ဗျားရဲ့အသည်းနှလုံးနဲ့
ကျွန်တော့်ရဲ့ဓားသွားကို သုံးဆောင်ပါ။
ဒီလိုယဉ်ယဉ်ကျေးကျေး၊
ထပ်ပြောခဲ့မယ်။ ။
နိုင်မွန်အောင်သွင်

This entry was posted on 6:20 PM and is filed under . You can leave a response and follow any responses to this entry through the Subscribe to: Post Comments (Atom) .

0 comments