စိတ်ဝတ္ထု  

Posted by IDEA MAGAZINE

Thursday, July 23, 2009



စိတ်ဝတ္ထု
အလကားနေအသံတွေချဲ့ချဲ့ပြီး
အပျော်တွေကို ငှဲ့သောက်လိုက်ကြ
ဟိုဖက်ကမ်းကူးတဲ့ကိစ္စမှာ
မြစ် ခမ်းနားရမှာလား
အမှားတွေတစ်လှေကြီးနဲ့
ရေစီးသာတဲ့အရပ်မှာတက်ညီလက်ညီ . . .။
တွေးကြည့်တော့
လမ်းဘေးရေချမ်းစင်ကရေခွက်တွေ
လွတ်လပ်စွာနေထိုင်ခွင့်ရပြီလား
အခြားသက်မဲ့ပစ္စည်းတွေကော
အကာအရံမဲ့
အထုပ်အပိုးမဲ့
စည်းနဲ့
ကမ်းနဲ့
လွတ်လွတ်လပ်လပ်
လုံလုံခြုံခြုံအေးအေးဆေးဆေ¬း
ဘ၀ကို
အစအဆုံးခင်းကျင်းခွင့်ရပြီလား။
စိတ်မကောင်းဘဲစိုက်တဲ့သစ်ပင်တွေ
နေမအိုခင် အိပ်အိပ်သွားကြ။
ဘ၀ဆိုတာ
ကြွေဖို့
ဝေလာတဲ့ပန်းတွေပဲ
အနယ်ထနေတဲ့ရေ
ပင်လယ်လိုကျယ်ကျယ်လာသမျှ
ဘယ်တာနဲ့ဖို့ကြမလဲ
တစ်ကပြန်စဖို့
ကမ္ဘာကြီးကတော့လှုပ်နေပြီ။
အသစ်ကပြန်သစ်ဖို့
အသစ်တွေအပုံလိုက် အပုံလိုက်
ဟောင်းလာပါရောလား။
ပုသိမ်မောင်ရွှေမူ

This entry was posted on 1:59 PM and is filed under . You can leave a response and follow any responses to this entry through the Subscribe to: Post Comments (Atom) .

0 comments